پی آئی اے دا مالی بحران، اج وی20توں وَدھ پروازاں منسوخ

کراچی (پنجابی میڈییا گروپ)قومی ایئر لائنز پی آئی اے دا بحران شدت اختیار کر گیا ، اج وی ملک بھر توں20 توں وَدھ پروازاں منسوخ کردتیاں گئیاں۔ترجمان پی آئی اے مطابق کراچی توں مختلف ایئرپورٹاں دیاں16پروازاں منسوخ کردتاں گئیاں نیں ، کراچی اسلام آباد دیاں3پروازاں پی کے 300، پی کے 308 تے پی کے 340 منسوخ جدکہ اسلام آباد کراچی دیاں2 پروازاں پی کے 301، پی کے 369 منسوخ کر دتیاں گئیاں نیں۔لہور توں کراچی دیاں 2 پروازاں پی کے 303 تے پی کے 307 وی منسوخ کیتیاںگئیاں نیں جدکہ کراچی لہور دیاں 3پروازاں پی کے 302، پی کے 304 تے پی کے 306 وی منسوخ نیں۔کراچی توں گوادر، بہاولپور، فیصل آباد آن تے جان دیاں6 پروازاں منسوخ نیں جدکہ سیالکوٹ توں مسقط جان تے آن دیاں 2 پروازاں منسوخ کر دتیاں گئیاں نیں۔ایسی طرح لہور تے اسلام آباد توں کوئٹہ جان تے آن دیاں 4 پروازاں منسوخ نیں۔اسلام آباد توں جدہ جان تے آن دیاں 2 پروازاں منسوخ کردتیاں گئیاں نیں، دوحا توں اسلام آباد دی پرواز پی کے 288 وی منسوخ کر دتی گئی ۔