امت مسلمہ نوں تقسیم کیتا جا رہیا اے، غزہ دے مسئلے اُتے عملی قدم چُکنا ہوئے گا، علامہ طاہر اشرفی

لہور( پنجابی میڈیا گروپ)پاکستان علما کونسل دے چیئرمین حافظ علامہ طاہر اشرفی نے آکھیا اے کہ امت مسلمہ نوں2 حصیاں وچ تقسیم کیتا جا رہیا اے، اج امت مسلمہ نوں غزہ دے مسئلے اُتے عملی قدم چُکنا ہوئے گا۔یکجہتی فلسطین کانفرنس نال خطاب کردیاں ہویاں علامہ طاہر اشرفی نے آکھیا کہ دنیا2 حصیاں وچ تقسیم ہوچکی اے، اک پاسے ظالم تے دُوجے پاسے مظلوم نیں، فیصلہ اسیں کرنا اے کہ ظالم دے نال کھڑے ہونا اے یا مظلوم دے نال ۔ اونہاں نے آکھیا کہ اگر اج اسیں غزہ دے مظلوماں لئی نہیں بولاں گے تے کل ایہ اگ ہر پاسے جائے گی، صیہونی فورسز دے حملیاں نال ہُن تک 4ہزار توںوَدھ فلسطینی شہید ہوچکے نیں جنہاں وچ ہزار توں وَدھ بال وی شامل نیں۔علامہ طاہر اشرفی نے آکھیا کہ فلسطینیاں دا جرم صرف ایہ اے کہ اوہ آزادی تے اپنا حق منگ رہے نیں، اپنی زمین اُتے رہنا چاہندے نیں، کجھ دن پہلاں اسرائیلی فورسز نے اک چرچ اُتے وی حملہ کیتا اے، اک پاسے انسان تے دُوجے پاسے وحشی درندے نیں۔