ڈیڈلائن بعدغیر قنونی وِسن والیاں خلاف کریک ڈان ہوئے گا،پنجاب حکومت

لہور( پنجابی میڈیا گروپ)پنجاب حکومت نے مقررہ ڈیڈ لائن بعد غیر قنونی وَسن والیاں خلاف بلا امتیاز کریک ڈان دا اعلان کر دتا۔نگران وزیراعلی پنجاب محسن نقوی دی زیر صدارت اہم اجلاس ہویا جس وچ پنجاب اندر یکم نومبر توںغیر قنونی وَسن والے غیرملکیاں خلاف کارروائی دے حوالے نال اقداماں دا جائزہ لیا گیا۔پنجاب حکومت نے غیر قنونی وسن والے غیر ملکیاں نوں 31 اکتوبر تک پنجاب چھڈن دا حکم دے دتا۔ساریاں متعلقہ اداریاں تے ایجنسیاں نوں ایس بارے ضروری اہداف سونپ دتے گئے، اجلاس وچ9 مئی دے واقعات وچ ملوث ملزماں دے خلاف درج کیساں دے چالان بارے پیش رفت دا وی جائزہ لیا گیا۔اجلاس وچ چیف سیکرٹری، آئی جی پلس، ایڈیشنل چیف سیکرٹری، سیکرٹری قنون سنے متعلقہ حکام رَلتی ہوئے، کمشنرز تے آرپی اوز ویڈیو لنک ذریعے اجلاس وچ موجود سن۔