منچن آباد : باراتیاں نال بھری بس الٹن نال بچی تے عورت جاں بحق

منچن آباد( پنجابی میڈیا گروپ)منچن آباد وچ باراتیاں نال بھری بس اُلٹ گئی جس دے نتیجے وچ اک بچی تے عورت جاں بحق جدکہ 15 توں وَدھ افراد زخمی ہوگئے ۔افسوس ناک حادثہ اکبر چوک دے نیڑے مین ہائی وے روڈ اُتے پیش آیا جیتھے باراتیاں نال بھری بس الٹ گئی، حادثے وچ 1 بچی تے عورت موقع اُتے دم توڑ گئی۔حادثے دی اطلاع ملدیاں ہی ریسکیو ٹیماں موقع اُتے پہنچ گئیاں ، حادثے وچ15 توں وَدھ افراد زخمی نیں جنہاں وچ3 دی حالت تشویشناک اے ۔ریسکیو نے ساریاں زخمیاں نوں ٹی ایچ کیو ہسپتال منتقل کردتا اے ۔ریسکیو ذرائع مطابق حادثہ تیز رفتاری پاروں موٹر سائیکل نوں بچاندیاں ہویاں پیش آیا ۔