گیس دی قیمت 193فیصد ودھن دا امکان

لہور( پنجابی میڈیا گروپ)ذرائع نے دسیا کہ پیٹرول دی سمری وچ گیس دا ٹیرف193فیصد تک ودھان تے گھریلو صارفین لئی گیس 172 فیصد تک مہنگی کرن دی تجویزدتی گئی اے۔ ذرائع مطابق ہور کیٹیگریاں لئی گیس دی قیمت تقریبا193فیصد تک وَدھ کرن دی تجویز کیتی گئی اے تے پروٹیکڈ صارفین لئی فکسڈ ماہانہ چارجز 10 توں ودھا کے400 روپے کرن دی تجویز کیتی گئی اے۔ذرائع دا کہنا اے کہ برآمدی انڈسٹریاں دے ٹیرف وچ950 روپے، ایکسپورٹ انڈسٹریاں دا ٹیرف 2050 روپے، غیربرآمدی صنعتاں دے ٹیرف وچ 1400 روپے، غیربرآمدی صنعتاں دا ٹیرف 2600 روپے تے سی این جی لئی گیس دی قیمت 2 ہزار 595 روپے فی ایم ایم بی ٹی یوودھان دی تجویز کیتی گئی اے۔ذرائع مطابق سی این جی سیکٹر لئی گیس دا ٹیرف 4400 روپے فی ایم ایم بی ٹی یو جَد کہ بجلی کارخانیاں تے تندوراں لئی گیس قیمت برقرار رکھن دی تجویز کیتی گئی اے۔ذرائع دا کہنا اے کہ بجلی دی قیمت ودھن دا اطلاق یکم اکتوبر توں ہوسکدا اے۔