آئی پی پی دی غلام سرورنوں پارٹی وچ شامل ہون دی دعوت

لہور( پنجابی میڈیا گروپ) استحکام پاکستان پارٹی نے پی ٹی آئی دے سابق وزیرغلام سرور نوں پارٹی وچ شامل ہون دی دعوت دے دتی۔ذرائع مطابق آئی پی پی دے سربراہ جہانگیر ترین نال غلام سرور خان دیاں کئی ملاقاتاں ہوچکیاں نیں لیکن غلام سرور نوں اپنے حلقے وچ چوہدری نثار دے سیاسی فیصلے دا انتظار اے۔ذرائع نے دسیا کہ جہانگیر ترین دی غلام سرور توں اسلام آباد وچ پچھلے ہفتے وی ملاقات ہوئی۔ذرائع مطابق آئی پی پی دا اسلام آباد توں تحریک انصاف دے اک سابق ایم این اے نال وی رابطہ اے لیکن سابق ایم این اے آزاد الیکشن لڑن وچ دلچسپی رکھدے نیں۔