آمریت دا دروازہ بند ہوچکیا مگر اک نویں آمریت شروع ہوگئی،بلاول

اسلام آباد( پنجابی میڈیا گروپ) پیپلز پارٹی دے چیئرمین بلاول بھٹو زرداری نے آکھیا کہ آمریت دا دروازہ بند ہوچکیا مگر فیر اک نویں طرزدی آمریت شروع ہوگئی، الیکشن لیٹ کرن دامطلب الیکشن توں انکار اے، فوری طور اُتے الیکشن دی تریخ دتی جائے۔سپریم کورٹ بار ایسوسی ایشن دی تقریب نال خطاب کردیاںہویاں اونہاں نے آکھیا کہ آئین دی گولڈن جوبلی دی تقریب وچ بلان اُتے مشکور ہاں، سپریم کورٹ نے ہمیشہ آئین دی بالادستی لئی کم کیتا، سپریم کورٹ نے ڈکٹیٹر خلاف اپنا کردار ادا کیتا۔بلاول نے آکھیا کہ 1973 دا آئین قنون دی حکمرانی دے اصول وضع کردا اے، آئین کسی وی ریاست دے تابع ہُندا اے، جمہوریت آئین دا تحفظ کردی اے تے آئین انسانی حقوق دا تحفظ کردا اے، ہر سیاست دان نے عدلیہ سامنے خود نوں احتساب لئی پیش کیتا ایس لئی ججاں نوں وی سب توں پہلاں خود نوںاحتساب لئی پیش کرنا چاہیدا اے، پریکٹس اینڈ پروسیجر کیس فیصلے وچ امید دی کرن نظر آئی۔اونہاں نے آکیھا کہ سادھی جماعت الیکشن دی تریخ منگ رہی اے تے الیکشن لیٹ کرن دامطلب الیکشن توں انکار اے، پیپلز پارٹی اک جمہوری جماعت اے تے الیکشن دا مطالبہ ساڈھا حق اے ایس لئی فوری طوراُتے الیکشن دی تریخ دتی جائے۔