اشتعال انگیزگل بات کیس؛ مریم اورنگزیب نے بریت دی درخواست دائر کردتی

لہور( پنجابی میڈیا گروپ) پاکستان مسلم لیگ ن دی رہنما مریم اورنگزیب نے اشتعال انگیزگل بات کیس وچ بریت دی درخواست دائر کردتی۔لہور دی انسدادِ دہشت گردی عدالت نے مریم اورنگزیب سنے ہوراں خلاف اشتعال انگیز گل بات کیس دی سماعت کیتی۔ مریم اورنگزیب نے بریت دی درخواست دائر کیتی جس وچ موقف اختیارکیتا گیا کہ ٹی وی پروگرام وچ گل بات بارے میرا کوئی کردار نہیں اے تے نہ ہی گل بات دی ذمہ دار ہاں۔مریم اورنگزیب نے عدالت توں بریت دی درخواست منظورکرن دی استدعا کیتی۔ عدالت نے سماعت کجھ دیر لئی ملتوی کردتی۔ مریم اورنگزیب خلاف تھانہ گرین ٹائون وچ مقدمہ درج اے۔