پرویز الہی نوں اینٹی کرپشن دے حوالے کرن دی درخواست مسترد

راولپنڈی( پنجابی میڈیا گروپ) سینئر سول جج راولپنڈی غلام اکبر نے پرویز الہی نوں اینٹی کرپشن لہور دے حوالے کرن دی درخواست مسترد کردتی۔سابق وزیراعلی پنجاب تے پی ٹی آئی دے صدر چوہدری پرویز الہی دی حوالگی دے معاملے اُتے دائر درخواست دی سماعت کردیاں ہویاں عدالت نے اونہاں نوں اینٹی کرپشن لہور دے حوالے کرن دی درخواست مسترد کردتی۔عدالت نے ریمارکس دتے کہ سابق وزیراعلی انسداد دہشت گردی عدالت اسلام آباد دی زیر حراست نیں،اوتھے رجوع کیتا جائے۔ واضح رہے کہ اینٹی کرپشن لہور نے سابق وزیر اعلی پنجاب دی حوالگی تے اک دن دی راہ داری ریمانڈ دی درخواست دائر کیتی سی۔عدالتی فیصلے دے بعد اینٹی کرپشن ٹیم لہور، وفاقی دارالحکومت اسلام آباد لئی روانہ ہوئے گئی، جیتھے پرویزالہی دی حوالگی لئی انسداد دہشت گردی عدالت وچ درخواست دتے جان دا امکان اے۔ایس توں پہلاں خبر سامنے آئی سی کہ سینٹرل جیل اڈیالہ راولپنڈی نال سابق وزیراعلی پنجاب چوہدری پرویزالہی نوں لہور منتقل کرن لئی اینٹی کرپشن لہور دی ٹیم سینٹرل جیل اڈیالہ پہنچ گئی ، جیتھے پرویز الہی نوں اینٹی کرپشن مقدمے وچ عدالت پیش کرن لئی لہور منتقل کیتے جان دا امکان اے ۔