ایس وَرھے کینو دی چنگی پیداوار ہون داامکان

اسلام آباد( پنجابی میڈیا گروپ)کینو دی چنگی پیداوار ہون دے امکان دے پیش نظر وزارت تجارت نے ایس ورھے15نومبر توں ہی کینو برآمد کرن دی اجازت دے دتی۔ذرائع مطابق فیصلہ وزارت تجارت ولوں قائم کمیٹی دی تجویز دی روشنی وچ کیتا گیا اے۔مارکیٹ ذرائع مطابق ایس ورھے کینو دی27لکھ ٹن دی بمپر پیداوار ہون دی توقع اے جدکہ پچھلے ورھے کینو دی پیداوار محض 13لکھ ٹن تک محدود ہوئی سی۔ایکسپورٹر کرسمس سیزن توں پہلاں ہی کینو دی کنسائنمنٹ گھلناچاہندے نیں۔ وزارت تجارت ماضی وچ یکم دسمبر نوں کینو برآمد کرن دی اجازت دتا کردی سی۔