چیئرمین پی ٹی آئی جیل وچ خود نوں محفوظ سمجھدے نیں، جج سیکرٹ ایکٹ عدالت

اسلام آباد( پنجابی میڈیا گروپ)آفیشل سیکرٹ ایکٹ عدالت دے جج ابوالحسنات ذوالقرنین نے دسیا اے کہ چیئرمین پی ٹی آئی نے اونہاں نوں آکھیاکہ اوہ جیل وچ خود نوں محفوظ محسوس کردے نیں۔جج ابوالحسنات ذوالقرنین دی عدالت وچ چیئرمین پی ٹی آئی دے ترجمان قنونی امور نعیم پنجوتھا پیش ہوئے تے آکھیا کہ تہاڈے آرڈرزاُتے عملدرآمد نہیں ہُندا، جیل میں وکیلاں نوںچیئرمین پی ٹی آئی نال نہیں ملن دتا جاندا۔جج ابوالحسنات نے آکھیا کہ ایڈمنسٹریٹیو معاملات نیں، جیل مینوئل مطابق جیل وچ معاملات چلدے نیں، اگر زیادہ وکیلاں دی چیئرمین پی ٹی آئی نال میٹنگاں ہوں گیاں تے معاملات ویکھنے پیندے نیں۔نعیم پنجوتھا نے درخواست کیتی کہ تہاڈے سپرٹنڈنٹ اڈیالہ جیل نوں جو آکھن گے، اونج ہی اوہ کرن گے، سائفرکیس سیکرٹ طریقہ کار نال چلایاجارہیا اے، صحافیاں نوں وی کوریج دی اجازت نہیں، صحافیاں نوں نہیں لیکن کم از کم وکیلاں نوں تے جیل وچ سماعت سنن دی اجازت دتی جائے۔جج ابوالحسنات نے آکھیا کہ سائفرکیس ہے ہی سیکرٹ ایکٹ تحت، اسیں تے نہیں بنایا، قنون 1923دا اے، مینوں صحافیاں نال سائفرکیس دی کوریج اُتے کوئی مسئلہ نہیں، صحافی قابل احترام نیں۔جج ابوالحسنات نے چیئرمین پی ٹی آئی نال وکیلاں دی ملاقات بارے سپرٹنڈنٹ جیل نوں ہدایت جاری کردتی۔