مراد سعید، عمر ایوب سنے10پی ٹی آئی رہنماواں دے وارنٹ گرفتاری جاری

اسلام آباد(پنجابی میڈیا گروپ)انسداد دہشت گردی عدالت نے مراد سعید، عمر ایوب تے علی امین گنڈا پور سنے پی ٹی آئی دے10رہنماواں دے دائمی وارنٹ گرفتاری جاری کردتے۔جوڈیشل کمپلیکس حملہ تے توڑ پھوڑ دے کیس وچ انسداد دہشت گردی عدالت نے تے جج ابوالحسنات محمد ذوالقرنین نے پاکستان تحریک انصاف دے 10 رہنماواں دے دائمی وارنٹ گرفتاری جاری کرد تے، جنہاں وچ مراد سعید، عمر ایوب خان تے علی امین گنڈاپور وی شامل نیں۔عدالت نے سدھے جان دے باوجود مسلسل غیر حاضری اُتے دائمی وارنٹ گرفتاری جاری کیتے۔ ہوراں ملزماں وچ شبلی فراز، فرخ حبیب، حماد اظہر، علی نواز اعوان، حسان خان نیازی، عمر سلطان تے کرنل محمد عاصم وی شامل نیںعدالت نے حکم دتا اے کہ ملزماں نوں اشتہاری قرار دتا جا چکیا اے۔ ملزم جیتھے نظرآن، اونہاں نوں گرفتار کرکے عدالت وچ پیش کیتا جائے۔