سانحہ اے پی ایس: شہید بالاں دے ماپے انصاف لئی سپریم کورٹ باہر روپئے

اسلام آباد( پنجابی میڈیا گروپ) سانحہ اے پی ایس وچ شہید بالاں دے ماپے انصاف لئی سپریم کورٹ دے باہر روپئے تے آکھیا کہ 2ورھیاں توں کیس سماعت لئی لگن دا انتظار کر رہے ہاں لیکن تریخ نہیں لگ رہی، اسیں انصاف لئی کیتھے جایئے، پنجابی میڈیا مطابق سانحہ آرمی پبلک اسکول (اے پی ایس) وچ شہید بالاں دے ماپے سپریم کورٹ اپڑ گئے، اونہاں نے پلے کارڈ تے بالاں دیاں تصویراں چُکی رکھیاں سن۔شہید بالاں دے ماپے انصاف منگدیاں ہویاں عدالت دے باہر روپئے، متاثرین نے آکھیاکہ ساہنوں صبر نہیں انصاف چاہیدا2ورھیاں توں سپریم کورٹ دے چکر لارہے ہاں، ساہنوں یا تے سا ڈھے بال دیو یا انصاف دیو، اسیں 2 ورھیاں توں کیس سماعت لئی لگن دا انتظار کر رہے ہاں لیکن کیس دی تریخ نہیں لگ رہی، اسیں انصاف لئی کیتھے جایئے؟سانحہ آرمی پبلک اسکول پشور دے شہید بالاں دے ماپئیاں نے سپریم کورٹ باہر احتجاج وی جس اُتے رجسٹرار سپریم کورٹ نے شہیداں دے وارثاں نوں ملاقات لئی بلایا۔