سلامتی کونسل دے اجلاس وچ پاکستان دا فلسطین دی بھرپور حمایت دا اعلان

نیویارک(پنجابی میڈیا گروپ)اقوام متحدہ دی سلامتی کونسل دے ہنگامی اجلاس وچ پاکستان ولوں فلسطین دی بھرپور حمایت دا اعلان کیتا گیا۔اقوام متحدہ دی سلامتی کونسل دے ہنگامی اجلاس نال خطاب کردیاں ہویاں پاکستانی مندوب منیر اکرم نے آکھیا اے فلسطینی اپنے دفاع دا حق رکھدے نیں اونہاں دی جدوجہد نوں اَت گردی نال نہ جوڑا جائے، فلسطینیاں نوں حق خود ارادیت تے مکمل آزادی دا حق حاصل اے۔منیر اکرم نے ہور آکھیا اے کہ پاکستان اپنے فلسطینی بھائیاں دے نال کھڑا اے، فلسطینیاں دی ناکہ بندی نال خوراک تے امداد روکنا عالمی قنون دی کھلی خلاف ورزی اے، سکیورٹی کونسل اسرائیل نوں عالمی انسانی حقوق دیاں خلاف ورزیاں اُتے ذمہ دار ٹھہرائے۔