پی آئی اے دا فلائٹ شیڈول مکمل بحال نہ ہوسکیا، ہور19پروازاں منسوخ

لہور(پنجابی میڈیا گروپ)پی آئی اے دا فلائٹ شیڈول مکمل بحال نہ ہوسکیا،اج فیر ہور19پروازاں منسوخ ہو گئیاں جدکہ17 دناں وچ پی آئی اے دیاں منسوخ پروازاں دی تعداد754تک پہنچ چکی اے۔اج منسوخ ہون والیاں پروازاں وچ کراچی توں اسلام آباد دی پی کے 368، 369 تے سکھر دی پی کے 536، 537 شامل نیں۔دمام توں کراچی دی پی کے 242، اسلام آباد توں سکھر دی پی کے 631، 632 وی منسوخ ہوئیاں نیں جدکہ اسلام آباد توں کوئٹہ دیاں پروازاں پی کے 325، 326 وی اڑان نہ بھر سکیاں۔ایسی طرح دبئی دی پی کے 233 تے شارجہ دی پی کے 181 منسوخ ہو گئی اے، دبئی توں ملتان دی پی کے 222، سیالکوٹ توں شارجہ دی پی کے 209 تے پی کے 210، لہور توں شارجہ دی پی کے 185 وی منسوخ ہون والیاں پروازاں وچ شامل نیں۔پی آئی اے ذرائع مطابق مسقط، تربت تے گوادردیاں پروازں پی کے 197 تے پی کے 198 وی منسوخ کیتیاں گئیاں نیں۔