محسن نقوی نال امریکی قونصل جنرل دی ملاقات

لہور(پنجابی میڈیا گروپ)نگران وزیراعلی پنجاب محسن نقوی نال امریکی قونصل جنرل مس کرسٹن ہاکنز نے ملاقات کیتی جس وچ انسداد سموگ لئی اشتراک کار اتے تبادلہ خیال کیتا گیا۔ملاقات وچ باہمی دلچسپی دے امور، مختلف شعبیاں وچ اشتراک کار بارے مشاورت ہوئی، ایس دوران سرمایہ کاری ودھان دے مواقع، زراعت، سیاحت، تریخی عمارتاں دی بحالی بارے تعاون ودھان دے معاملات وی زیر غور آئے۔نگران وزیراعلی پنجاب دا کہنا سی کہ پاکستان تے امریکہ دے وچکار بہترین تعلقات نیں، پنجاب تے کیلیفورنیا نوں سسٹر سٹیٹس قرار دین دے معاہدے تحت دو طرفہ تعلقات نوں ودھا دینا چاہندے ہاں، پنجاب وچ تریخی عمارتاں دی بحالی بارے امریکی تعاون دا خیرمقدم کردے ہاں۔صوبائی وزیراطلاعات وثقافت عامر میر، چیف سیکرٹری، انسپکٹر جنرل پلس، چیئرمین پلاننگ اینڈ ڈویلپمنٹ بورڈ، ایڈیشنل چیف سیکرٹری داخلہ، ڈپٹی کمشنر تے متعلقہ حکام وی ایس موقع اتے موجود سن۔