’’لہورلہور اے ‘‘فیسٹیول دی جیلانی پارک وچ رونقاں

لہور(پنجابی میڈیا گروپ)’’لہور لہور اے‘‘ فیسٹیول دی جیلانی پارک وچ رونقاں ویکھن لہوری امڈ آئے۔لہور لہور اے فیسٹیول دی جیلانی پارک وچ رونقاں عروج اتے پہنچ گئیاں، فیسٹیول وچ ہر پاسے لہوردی ثقافت، ادب، تریخ تے کھانیاں دے جلوے بکھرے نظرآرہے نیں، بادشاہی مسجد ،وزیر خان مسجد تے چوبرجی دے دلکش ماڈلز عوام دی توجہ دا مرکز بنے ہوئے نیں۔شہریاں دی ودھی تعداد نے جیلانی پارک ول منہ کر لیا، سینکڑاں دی تعداد وچ مختلف سٹال عوام دی توجہ دامرکز بنے ہوئے نیں، پنجاب دے روائتی کھانیاں دے سٹالاں اتے شہری خوب ہتھ صاف کررہے نیں، کیہ بال کیہ وڈھے سب ہی فیسٹیول دی رونق دے دیوانے نکلے۔ہتھ نال بنیاں شیواں تے ڈیکوریشن سیٹ دے سٹالاں اتے شہریاں دا ذوق و شوق ویکھن والا اے، عورت کاریگراں نے فیسٹیول وچ آن والیاں نوں اپنی مہارت توں آگاہ کیتا،یاد رہے کہ لہور دا سب توں وڈھا فیسٹیول لہور لہور اے جیلانی پارک وچ12نومبر تک جاری رہے گا۔