فضل الرحمان دی قطر وچ حماس دے رہنماواں نال ملاقات

اسلام آباد(پنجابی میڈیا گروپ)جمعیت علمائے اسلام دے امیر مولانا فضل الرحمان نے قطر وچ حماس دے رہنماواں نال ملاقات کیتی۔جے یو آئی پاکستان دے میڈیا سیل مطابق مولانا فضل الرحمان نے حماس دے سربراہ اسماعیل ہانیہ تے سابق سربراہ خالد مشعل سنے ہور حماس قیادت نال اہم ملاقات کیتی جنہاں وچ مسئلہ فلسطین اتے تفصیلی تبادلہ خیال ہویا۔فضل الرحمن نے آکھیا کہ ترقی یافتہ ملکاں دے دعویداراں دے ہتھ معصوم بالاں تے عورتاں دے خون نال رنگے ہوئے نیں، ویلا آگیا اے کہ امت مسلمہ عملی میدان وچ فلسطینی بھائیاں دے شانہ بشانہ کھڑی ہوئے۔اسماعیل ہانیہ نے آکھیا کہ اسرائیل فلسطین وچ ظلم وستم کرکے قبلہ اول نوںہیکل وچ بدلن دی مذموم کوشش کررہیا اے، امت مسلمہ دا فرض اے کہ اوہ اسرائیلی مظالم خلاف متحد ہوجائے، انسانی حقوق دے دعویدار ملک ہتھیاراں نال بھرے جہاز لے کے تل ابیب پہنچ رہے نیں، امت مسلمہ وی فلسطینی بھائیاں دی حمایت لئی میدان وچ نکلے ۔