فواد چودھری 2روزہ جسمانی ریمانڈ اُتےپلس دے حوالے

اسلام آباد(پنجابی میڈیا گروپ)اسلام آباد دی مقامی عدالت نے سابق وفاقی وزیر فواد چودھری نوں مجرمانہ دھمکی دے کیس وچ 2روزہ جسمانی ریمانڈاتے پلس دے حوالے کردتا۔اسلام آباددی تھانہ آبپارہ پلس ولوں پچھلے دناں گرفتار کیتے گئے سابق وفاقی وزیر فواد چودھری نوں بکتر بند گڈی وچ ڈسٹرکٹ جوڈیشل کمپلیکس لیایا گیا، پلس نے فواد چودھری نوں منہ اتے کپڑا پا کے ڈیوٹی مجسٹریٹ عباس شاہ دی عدالت وچ پیش کیتا۔فواد چودھری نے عدالت دے ساہمنے استدعا کیتی کہ میں سابق وفاقی وزیر رہ چکیا ہاں تے سپریم کورٹ دا وکیل ہاں، مینوں تضحیک آمیز طریقے نال عدالت لیایا گیا اے، مینوں میرے وکیلاں نال ملن دی اجازت دتی جائے جس اتے عدالت نے فواد چودھری نوں وکیلاں نال ملن دی اجازت دے دتی۔پلس نے موقف اپنایا کہ فواد چودھری نوں ظہیر نامی شخص ولوں درج کروائی گئی ایف آئی آر اتے گرفتارکیتاگیا اے۔