رائیونڈ سالانہ تبلیغی اجتماع دا پہلا مرحلہ رقت آمیزدعادے نال اختتام پذیر

لہور(پنجابی میڈیا گروپ)رائیونڈ سالانہ تبلیغی اجتماع داپہلا مرحلہ رقت آمیز دعا دے نال اختتام پذیر ہوگیا۔مولانا خورشید نے دعا توں پہلاںپنڈال وچ بیٹھے مندوبین نوں ہدایت جاری کیتی، اختتامی دعا مولانا ابراہیم آف انڈیا نے کروائی۔اختتامی دعا ویلے ہر آکھ اشک بار سی تے ہر شخص اللہ دے حضور گڑ گڑا کے اوس دی رحمت دا طلب گار سی ۔ دعا دے بعد ہزاراں تشکیل شدہ جماعتاں دین اسلام لئی اندرون و بیرون ملک روانہ ہوگئیاں، سیکڑاں لوکاں نے تبلیغی جماعت دے نال سہ روزہ چلہ لان لئی اپنے نام وی رجسٹر کروائے۔ایس موقع اتے پلس ولوں سکیورٹی دے فول پروف انتظامات نظر آئے، انتظامیہ ولوں صفائی ستھرائی دے وی اعلی انتظام کیتے گئے سن۔