ملک دے وارث ملک نوں سنبھالن آرہے نیں،خالد مقبول صدیقی

کراچی (پنجابی میڈیا گروپ)ایم کیو ایم پاکستان دے کنوینر ڈاکٹر خالد مقبول صدیقی دا کہنا اے کہ آئین نہ ساڈھی حفاظت کر سکیا نہ پاکستان تے جمہوریت دی۔کراچی وچ جلسے نال خطاب کردیاں ہویاں کنوینر ایم کیو ایم پاکستان ڈاکٹر خالد مقبول صدیقی دا کہنا سی کہ حکمران ایوان خالی کردیون ملک دے وارث ملک نوں سنبھالن آرہے نیں ،کراچی دا ایہ حال کرن والیاں دا دماغ ٹھیک نہ کیتا گیا تے کجھ ٹھیک نہیں ہوئے گا۔خالد مقبول صدیقی نے آکھیا کہ آئین نہ ساڈھی حفاظت کر سکیا نہ پاکستان تے جمہوریت دی،اسیں اقتدار وچ آ کے کراچی تے آئین دی حفاظت کراں گے۔ایم کیو ایم پاکستان دے ڈپٹی کنوینر ڈاکٹر فاروق ستاردا کہنا سی کہ کراچی وچ زبردستی میئر مسلط کیتا گیا، شہر قائد وچ جمہوریت دی آڑ وچ آمریت قائم ہوئی۔ادھر مصطفی کمال نے آکھیا کہ کراچی دے برین ٹیومردا علاج ایم کیوایم کول اے، ایم کیو ایم پانی، سیوریج تے ہور مسائل اج وی حل کر سکدی اے۔