اسرائیلی وزیر دی غزہ اتے ایٹم بم مارن دی دھمکی، شہبازشریف دی شدید مذمت

لاہور(پنجابی میڈیا گروپ)سابق وزیراعظم تے پاکستان مسلم لیگ ن دے صدر شہبازشریف نے غزہ اتے ایٹم بم مارن دی اسرائیلی وزیر دی دھمکی دی شدید مذمت کیتی۔شہبازشریف نے آکھیا کہ بیان ایس گل داثبوت اے کہ صیہونی ریاست تے ایٹمی قوت انتہا پسند جنونیاں دے ہتھ وچ اے، بے گناہواں دے قاتلاں دا پوری دنیا اتے خود کش حملے کرن دا منصوبہ اے، آئی اے ای اے فی الفور صیہونی ریاست دی جوہری تنصیبات اتے مانیٹر مقرر کرے۔سابق وزیراعظم نے آکھیا کہ دنیا صیہونی ریاست دی انتہا پسندی تے ایٹمی پاگل پن اتے ٹھوس ردعمل دتے، ایہ پاگل پن پوری دنیا نوں بھسم کرن دے مترادف اے، نہتی، بے گناہ آبادی دے قتل عام اتے خموشی دے ہوربھیانک نتائج برآمد ہوسکدے نیں، ایٹم بم مارن دا بیان مستقبل دی سوچ تے ارادیاں دا پتہ دے رہیا اے۔مسلم لیگ ن دے صدر نے آکھیا کہ جنونیاں نوںنہ روکیا گیا تے دنیا جہنم بن جائے گی، عالمی برادری، سلامتی کونسل، اسلامی دنیا دھمکی دا سنجیدگی نال نوٹس لئے، اسلامی ملک سفارتی سطح اتے سانجھی مہم دا بھرپور آغاز کرن۔