موقع ملیا تے نوازشریف دی قیادت وچ ملک نوں ترقی دی راہ اتے پاواں گے،حمزہ شہباز

لہور(پنجابی میڈیا گروپ)پاکستان مسلم لیگ ن دے نائب صدر وسابق وزیراعلی پنجاب حمزہ شہباز نے آکھیا اے کہ موقع ملیا تے نوازشریف دی قیادت وچ ملک نوں ترقی دی راہ اتے گامزن کراں گے۔مصری شاہ وچ میڈیا نال گل کردیاں ہویاں رہنما مسلم لیگ ن حمزہ شہباز دا کہنا سی کہ ملک بڑے مشکل حالات توں لنگ رہیا اے، ملک وچ مہنگائی آسمان نوں چھو رہی اے، پاکستانی عوام نے ہمیشہ مشکل حالات دا ڈٹ کے مقابلہ کیتا اے، سیلاب ہوئے یا اتگردی اسیں مل کے مقابلہ کیتا۔اونہاں نے آکھیا کہ مسلم لیگ ن نوں جد وی موقع ملیا ملکی معیشت دی بہتری لئی کم کیتا، ایس وار الیکشن وچ قوم نے موقع دتا تے نوازشریف دی قیادت وچ ملک نوں دوبارہ ترقی دی راہ اتے پاواں گے۔سابق وزیراعلی پنجاب نے آکھیا کہ پاکستانی فوج نے ملک نوں امن دا گہوارہ بنان لئی اپنیاں جاناں دا نذرانہ پیش کیتا، ات گردی خلاف جنگ وچ پوری قوم فوج پاکستان دے نال کھڑی اے۔اونہاں دا ہورکہنا سی کہ سا ڈھے دل اپنے فلسطینی بھائیاں دے نال دھڑکدے نیں، اقوام عالم مسئلہ فلسطین حل کرن لئی اپنا کردار ادا کرے۔