2ہمسایہ ملک ساہنوں بلیک میل کررہے نیں،جان اچکزئی

کوئٹہ(پنجابی میڈیا گروپ)نگران وزیر اطلاعات بلوچستان جان اچکزئی نے آکھیا کہ حالیہ اتگردی توں ثابت ہوگیا 2ہمسایہ ملک ساہنوں بلیک میل کررہے نیں۔نگران وزیراطلاعات بلوچستان جان اچکزئی نے کوئٹہ وچ پریس کانفرنس کردیاں ہویاں آکھیا کہ ات گردی اوتھوں ہورہی اے جنہاں دی اسیں50 ورھے مہمان نوازی کیتی، بھارت ایس خطے وچ تباہی مچا کے اپنی بالادستی قائم کرنا چاہندا اے۔جان اچکزئی نے آکھیا کہ کینیڈین شہری دے قتل توں ثابت ہوگیا بھارت ات گرد ریاست اے، بھارت خلاف سارے ثبوت ہون دے باوجود عالمی طاقتاں دی خموشی معنی خیز اے، بلوچستان توں54ہزار توں ودھ تارکین وطن واپس جا چکے نیں۔نگران وزیراطلاعات نے آکھیا کہ اسیں بار بار چیخ رہے ساں کہ پاکستان وچ ات گردی پیچھے رادا ہتھ اے، ساہنوں 2 طریقیاں نال نشانہ بنایا جا رہیا اے، سرحد پارتوں حملے ہندے نیں،غیرقنونی غیر ملکیاں نوں دتیاں گئیاں سہولتاں افغانستان وچ وی نہیں مل سکدیاں۔