بلوچستان :فیرحکومت بنا کے صوبے دی تقدیر بدلاں گے: منظورکاکڑ

کوئٹہ(پنجابی میڈیا گروپ)بلوچستان عوامی پارٹی دے مرکزی جنرل سیکرٹری منظور کاکڑ نے آکھیا کہ بلوچستان وچ بی اے پی کی فیر حکومت بنا کے صوبے دی حالت تے تقدیر بدلاں گے۔بلوچستان عوامی پارٹی دا جنرل کونسل اجلاس ہویا، مرکزی جنرل سیکرٹری بی اے پی منظور کاکڑ نے اجلاس نال خطاب کردیاں ہویاں آکھیا کہ نوابزادہ خالد مگسی نوں پارٹی دا نوا صدر منتخب ہون اتے مبارکباد پیش کردا ہاں۔منظور کاکڑ نے آکھیا کہ پارٹی وچ کئی اہم شخصیتاں تے کارکن شامل ہوئے نیں، پارٹی وچ شامل ہون والے ساریاں دوستاں نوں مبارکباد دیندا ہاں، بلوچستان عوامی پارٹی نے بلوچستان وچ وڈھے ترقیاتی کم کیتے، اک وارفیر صوبے اندر بلوچستان عوامی پارٹی دی حکومت ہوئے گی۔مرکزی سیکرٹری جنرل بی اے پی نے ہورآکھیاکہ ساڈھی حالت بدلن لئی باہروںکوئی نہیں آئے گا، ایس صوبے دی حالت تے تقدیر اسیں خود بدلاں گے۔