اسرائیلی وزیر دی غزہ اتے ایٹم بم مارن دی دھمکی

تل ابیب(پنجابی میڈیا گروپ)انتہا پسند تے ما یہودیت پارٹی نال تعلق رکھن والے اسرائیلی وزیر نے آکھیا اے کہ غزہ جنگ جتن لئی اسرائیلی فوج دے کول کئی آپشناں نیں جنہاں وچ آخری تے حتمی قدم ایٹم بم مارنا اے۔ٹائم آف اسرائیل مطابق ریڈیو انٹرویو وچ غزہ اتے ایٹمی حملے بارے پچھے گئے سوال دے جواب وچ ثقافت تے کلچر دے وزیر امیچائی الیاہو نے آکھیا کہ اسرائیلی فوج دے کول غزہ دی جنگ دا اک حل لئی ایہہ آپشن وی اے۔انتہائی قریبی جماعت نال تعلق رکھن والے الیاہو نے غزہ وچ انسانی ہمدردی تحت گھلی گئی عالمی امداد دی ترسیل دی اجازت اتے اعتراض کردیاں ہویاں غزہ وچ انسانی المیہ پیدا ہون تے بالاں سنے عورتاں دے قتل عام نوں پروپیگنڈا قرار دتا۔سخت گیر یہودی تنظیم دے متعصب وزیر نے غزہ توں فلسطینیاں نوں بے دخل تے اونہاں دے گھراں نوں تباہ کرن بارے پچھے گئے سوال دے جواب وچ آکھیا کہ فلسطینی آئرلینڈ جان یا کسی صحرا ول ۔ ایہ فیصلہ اونہاں خود کرنا اے۔اسرائیلی وزیر نے اک وارفیر ہرزہ سرائی دی کہ غزہ دی شمالی پٹی نوں وجود داکوئی حق نہیں، فلسطین یا حماس دا جھنڈا لہران والے نوں اوس سرزمین اتے زندہ نہیں رہنا چا ہیدا۔