سیاسی جماعتاں لیول پلینگ فیلڈچھڈن تے الیکشن دی تیاری کرن،مریم اورنگزیب

لہور(پنجابی میڈیا گروپ)پاکستا ن مسلم لیگ (ن)دی مرکزی سیکرٹری اطلاعات مریم اورنگزیب نے آکھیا اے کہ جیہڑے لیول پلینگ فیلڈ دی گل کر رہے نیں میرااونہاں ساریاں سیاسی جماعتاں نوں مشورہ اے کہ اوس دا رونانہ رون فیلڈ وچ الیکشن دی تیاری کرن جس طر ح مسلم لیگ(ن)کر رہی اے ،لیول پلینگ فیلڈ بارے اجے توں رونا ایس گل دی نشاندہی کردا اے سیاسی حقیقتاں تے مخالف سیاسی جماعتاں نوں معلوم ہو چکیا اے کہ21اکتوبر بعد نوازشریف دے حق وچ فیلڈ اے ، عوام نے نواز شریف نوںچوتھی وار وزیر اعظم بنان دے حق وچ اعلان کر دتا اے ایس لئی ایہ رونا تہاڈی شکست دی نشاندہی کردا اے ،شرجیل میمن کہہ رہے نیں پیپلزپارٹی کلین سیوپ کرے گی پر اونہاں نوں کیتیوں لیول پلینگ فیلڈ نہیں مل رہی ،نواز شریف نوں بلیک لا ڈکشنری دا سہارا لے کے منصب توں ہٹایا گیا اوس دی تصحیح ہونا ملک دی بہتری اے ، ایہ زیادتی پاکستان نال ہوئی ،23کروڑ عوام دی بہتری ایس وچ اے کہ تصحیح ہو، نوازشریف 8فروری نوں الیکشن لڑاں گے تے پاکستان دے عوام دے ووٹ دی طاقت نال چوتھی وار وزیراعظم بناں گے۔