شیخ رشید دی9مئی دے مقدمے وچ ضمانت منظور

راولپنڈی(پنجابی میڈیا گروپ)راولپنڈی دی انسداد دہشتگردی عدالت نے سابق وزیرداخلہ شیخ رشید دی 9مئی دے واقعات وچ ضمانت منظور کر لئی۔پیر نوں راولپنڈی دی انسداد دہشتگردی عدالت دے جج ملک اعجاز آصف نے شیخ رشید دی درخواست ضمانت اتے سماعت کیتی جس دوران سابق وزیر داخلہ اپنے وکیل سردارعبدالرازق خان دے ہمراہ عدالت وچ پیش ہوئے۔شیخ رشید دے وکیل سردار عبدالرازق خان نے آکھیاکہ شیخ رشید دا9مئی دے واقعات نال کوئی تعلق نہیں، اونہاں بارے9مئی دے واقعات دے کوئی شواہد موجود نہیں۔عدالت نے تھانہ وارث خان وچ درج مقدمے اندر شیخ رشید دی ضمانت منظور کیتی تے سابق وزیر داخلہ نوں50ہزار روپے دے ضمانتی مچلکے جمع کران دا حکم دتا۔جج ملک اعجاز آصف نے سوال کیتا کہ شیخ صاحب تسی کمزور نظرآرہے نیں، تہاڈی صحت ٹھیک اے؟ ایس اتے شیخ رشید نے آکھیا کہ40دناں دے چلے دوران 31کلو وزن گھٹ ہویا۔ایس دے علاوہ عدالت نے9مئی دے واقعے وچ شیخ رشید دے بھتیجے شیخ راشد شفیق دی ضمانت وی8نومبر تک منظورکر لئی۔