فوادچوہدری دی اینٹی کرپشن پنجاب خلاف درخواست دائر

اسلام آباد(پنجابی میڈیا گروپ)سابق وفاقی وزیر فواد چوہدری نے اینٹی کرپشن پنجاب دے خلاف لہور ہائی کورٹ راولپنڈی بینچ وچ درخواست دائر کر دتی ۔ پیرنوں فواد چوہدری ولوں اونہاں دے بھائی فیصل چوہدری ایڈووکیٹ نے درخواست دائر کیتی۔درخواست وچ موقف اپنایا گیاکہ اینٹی کرپشن دے الزام جھوٹے تے بے بنیاد نیں، سرکاری زمیناں اتے قبضے دے الزام وی بے بنیادنیں۔سابق وفاقی وزیر ولوں دائر درخواست وچ آکھیا گیا کہ زمینیاں پرائیویٹ لوکاں توں خریدیاں گئیاں جنہاں دے بیان حلفی موجود نیں۔درخواست وچ آکھیا گیا کہ سیاسی بنیاداں اتے فواد چوہدری نوں ٹارگٹ کیتا جا رہیا اے، محکمہ اینٹی کرپشن فواد چوہدری نوں بلیک میل کر رہیا اے۔فواد چوہدری دی درخواست وچ پنجاب حکومت تے ڈی جی اینٹی کرپشن نوں فریق بنایا گیا اے۔