آئی ایم ایف نال مذاکرات کامیاب ہون دی اُمید اے،شمشاداختر

اسلام آباد(پنجابی میڈیا گروپ)نگراں وزیر خزانہ ڈاکٹر شمشاد اختر نے آکھیا اے کہ انٹرنیشنل مانیٹری فنڈ (آئی ایم ایف)مشن نال مذاکرات کامیاب ہون دی قوی امید اے۔ غیر رسمی گل بات کردیاں ہویاں ڈاکٹر شمشاد اختر نے آکھیا کہ ساریاں اداریاں نے اہداف اتے عملدرآمد کیتا تے کارکردگی اطمینان بخش اے۔وزیر خزانہ نے دسیاکہ آئی ایم ایف دے نال مذاکرات مثبت طریقے نال اگے ودھ رہے نیں۔اونہاں نے آکھیا کہ آئی ایم ایف دے نال معاشی ٹیم مذاکرات وچ مصروف عمل اے، دعا اے کہ آئی ایم ایف دے نال مذاکرات چنگے انداز نال کامیاب ہو جان ۔شمشاد اختر نے دسیاکہ آئی ایم ایف دے نال میری تے معاشی ٹیم دی میٹنگ بہتر ہوئی اے، پالیسی سطح دے مذاکرات وچ خود رلت کراں گی۔