افغان عبوری حکومت بعد 60فیصد اَت گردی وَدھی،نگران وزیراعظم

اسلام آباد( پنجابی میڈیا گروپ)نگران وزیراعظم انوار الحق کاکڑ نے آکھیا اے کہ افغان عبوری حکومت آن دے بعد پاکستان وچ اَت گردی ودھی، ملک وچ بدامنی پھیلان دا وَدھ ہتھ غیر قنونی تارکین وطن دا اے۔اسلام آباد وچ میڈیا نمائندیاں نال گل بات کردیاں ہویاں نگران وزیراعظم انوار الحق کاکڑ نے آکھیا کہ پاک افغان تعلقات سانجھے مذہب، بھائی چارے اُتے مبنی اے، پاکستان نے لکھوں افغان مہاجریناں دی4دہائیاں تک میزبانی کیتی لیکن پچھلے2ورھیاں وچ افغان سرزمین توں اَت گردانہ کارروائیاں ودھیاں نیں۔اونہاں نے آکھیا کہ عبوری افغان حکومت دے آن دے بعدوں پاکستان وچ اَت گردی وچ60فیصد ودھاہویا اے، خودکش حملیاں وچ ملوث افراد وچ15افغان شہری ملوث سن جَد کہ اقوام متحدہ رپورٹ وچ پاکستان مخالف سرگرمیاں دا ذکر کیتا گیا۔انوار الحق کاکڑ نے آکھیا کہ20لکھ افراد بشمول افغان رجسٹرڈ کارڈز دے حامل افراد تے پناہ گزیناں نوں پاکستان توں واپس نہیں گھل رہے جدکہ آپریشن دے بعدوںہُن تک2لکھ52ہزارغیر قنونی افغان شہری واپس جا چکے نیں۔