آئی ایم ایف دی شرط پوری:بجلی دے بعد گیس وی مہنگی

اسلام آباد( پنجابی میڈیا گروپ)انٹرنیشنل مانیٹری فنڈ (آئی ایم ایف) دی اک ہور شرط پوری، بجلی دے بعد گیس وی مہنگی ہو گئی، وفاقی حکومت دی منظوری دے بعد گیس دی قیمت وَدھ کرگیا۔اوگرا نے گیس دی قیمت ودھن دانوٹیفکیشن جاری کردتا، نوی قیمت دا اطلاق یکم نومبر توں ہوئے گا، نان پروٹیکٹڈ گھریلو صارفین لئی گیس دی قیمت وچ172فیصد توں وَدھ ودھا کیتا گیا اے۔ماہانہ25مکعب میٹر گیس استعمال کرن والے صارفین لئی ریٹ وچ 100 روپے فی ایم ایم بی ٹی یو ودھا کیتا گیا اے، ماہانہ 25مکعب میٹر استعمال کرن والے گیس صارفین لئی قیمت200 توں ودھا کے300 روپے فی ایم ایم بی ٹی یو مقرر کیتی گئی اے۔ماہانہ60مکعب میٹر گیس استعمال کرن والے صارفین لئی ریٹ وچ300روپے فی ایم ایم بی ٹی یو ودھا کیتا گیا، ماہانہ60مکعب میٹر استعمال کرن والے گیس صارفین لئی قیمت300 توں ودھا کے600روپے فی ایم ایم بی ٹی یو کر دتی گئی۔