سائفر کیس : چیئرمین پی ٹی آئی ولوں فرد جرم دی کارروائی سپریم کورٹ وچ چیلنج

اسلام آباد(پنجابی میڈیا گروپ)چیئرمین پی ٹی آئی نے سائفر کیس وچ ٹرائل کورٹ دی فردِ جرم دی کارروائی سپریم کورٹ وچ چیلنج کردتی۔چیئرمین پی ٹی آئی دی لیگل ٹیم ولوں سپریم کورٹ نال رجوع کیتا گیا اے ، درخواست وچ اسلام آباد ہائیکورٹ دا26اکتوبر دا حکمنامہ کالعدم قراردین دی استدعا کیتی گئی اے ۔درخواست وچ موقف اختیارکیتا گیا اے کہ کیس وچ عجلت پاروں شفاف ٹرائل دے آئینی حق دی خلاف ورزی ہوئی، ٹرائل غیر قنونی تے دائرہ اختیار توں تجاوز اے۔واضح رہے کہ چیئرمین پی ٹی آئی نے سائفر کیس وچ ضمانت لئی وی سپریم کورٹ نال رجوع کر رکھیا اے۔ خیال رہے کہ چیئرمین پی ٹی آئی تے وائس چیئرمین شاہ محمود قریشی اُتے سائفر کیس وچ فرد جرم وی عائد کیتی جاچکی اے۔