ساڈھی کسی ادارے نال کوئی دشمنی نہیں، الیکشن دا محور عوام دا ووٹ اے،شازیہ مری

اسلام آباد( پنجابی میڈیا گروپ)پیپلزپارٹی دی رہنما تے سابق وفاقی وزیر شازیہ مری نے آکھیا کہ ساڈھی کسی ادارے نال کوئی دشمنی نہیں، الیکشن دا محور عوام دا ووٹ اے۔ سابق وفاقی وزیر شازیہ مری نے آکھیا کہ عسکری قیادت نوں اپریشیٹ کردی ہاں، ایہ بھٹودا کارنامہ سی کہ90ہزار فوجی چھڑوائے سن، پیپلز پارٹی نے کَدی غیر قنونی اسٹیٹس نوں سپورٹ نہیں کیتا،اسیں انسانی حقوق دی ہمیشہ گل کیتی اے۔پیپلزپارٹی دی رہنما نے آکھیا کہ ایس وچ کوئی شک نہیں کہ پاکستان نے زبردست مہمان نوازی کیتی، لوکاں نے اپنے گھراں دے دروازے کھولے، آصف زرداری نے ایہ ضرور آکھیا کہ جس ملک وچ اوہ جا رہے نیں اوس دے حالات ٹھیک نہیں ، شاید ایسی پاروں ری ایکشن وَدھ آرہیا اے۔شازیہ مری نے ہورآکھیاکہ اسیں صرف ایہ چاہواں گے کہ انسانی حقوق پامال نہیں ہونے چاہیدے۔