افغان مہاجرین دا مسئلہ کمیشن بنا کے حل کیتا جائے،مولانا فضل الرحمان

لہور(پنجابی میڈیا گروپ)جمعیت علما اسلام(جے یو آئی) دے سربراہ مولانا فضل الرحمان دا کہنا اے کہ افغان مہاجرین دامسئلہ دوطرفہ اے، ایس معاملے اُتے کمیشن بنا کے مسئلہ حل کیتا جائے۔اک بیان وچ مولانا فضل الرحمان دا کہنا سی کہ افغانستان افغانیاں دا اے، بالآخر اونہاں نوں جانا سی، افغانستان نے اپنے علما توں فتوی لیا کہ پاکستان وچ مسلح کارروائی نوں جہاد قرار نہیں دتا جاسکدا۔مولانا فضل الرحمان داکہنا سی کہ افغان مہاجرین دا مسئلہ دوطرفہ اے، یک طرفہ فیصلیاں نال تعلقات خراب ہون گے، تجویز دتی اے کہ افغان مہاجرین دے معاملے اُتے کمیشن بنا کے مسئلہ حل کیتا جائے۔سربراہ جے یو آئی دا کہنا سی کہ امن ہمیشہ انصاف دے نال آندا اے، ناانصافیاں ہون تے امن نہیں ہوسکدا۔