ساڈھے نوجوان پاکستان نوں مسائل توں کَڈ کے ترقی اُتے لیجا سکدے نیں،شہباز شریف

لہور(پنجابی میڈیا گروپ) پاکستان مسلم لیگ (ن) دے صدروسابق وزیراعظم شہبازشریف نے 146ویں جنم دیہاڑ اُتے شاعر مشرق ڈاکٹر علامہ محمد اقبالؒ نوں خراج عقیدت پیش کردیاں ہویاں آکھیا اے کہ علامہ اقبال نے اُمید دی شاعری کیتی اے،اونہاں نے ساہنوں خود اُتے اعتماد کرن دا پیغام دتا اے۔ سابق وزیر اعظم نے اپنے پیغام وچ آکھیا کہ اج پاکستان جنہاں مسئلیاں دا شکار اے اونہاں توں اسیں اپنی محنت نال نکل سکدے ہاں، مینوں اپنے نوجواناں اُتے یقین کامل اے کہ اوہ پاکستان نوں نہ صرف سب مسائل توں کڈ سکدے نیں بلکہ اوس نوں ترقی دیاں منزلاں اُتے وی لے کے جا سکدے ہاں۔ شہباز شریف نے آکھیا کہ ساہنوں ناامیدی دی گل ختم کرنی اے، کجھ نہیں ہو سکدا دی رِٹ چھڈ کے اسیں کر سکدے ہاں اُتے یقین کرنا اے۔