علامہ اقبالؒ دا فلسفہ اک ناقابل تسخیر تحریک تے پیغام اے،حمزہ شہباز

لہور(پنجابی میڈیا گروپ) پاکستان مسلم لیگ (ن) دے نائب صدر و سابق وزیر اعلیٰ پنجاب حمزہ شہباز نے 146ویں جنم دیہاڑ اُتے شاعر مشرق ڈاکٹر علامہ محمد اقبال ؒ نوں خراج عقیدت پیش کردیاں ہویاں آکھیا اے کہ اقبالؒ ساڈھی فکری روایت دا سب توں روشن حوالہ نیں۔ اونہاں نے اپنے پیغام وچ آکھیاکہ علامہ اقبالؒ دا فلسفہ اک ناقابل تسخیر تحریک تے پیغام اے، اقبالؒ دی فکر نال وابستگی دا ایہ تقاضا اے پاکستان نوں حقیقی معنیاں وچ جمہوری فلاحی مملکت بنایئے۔حمزہ شہباز نے آکھیا کہ حکیم الامت نے ورھیاں پہلاں اینہاں مسئلیاں دی پیشن گوئی کیتی جنہاں دااج ساہنوں سامنا اے، علامہ اقبالؒ دی سوچ ساڈھے لئے مشعل راہ اے۔