الیکشن وچ کنگز پارٹی دااوہی حال ہوئے گا جیہڑا اسیں2008 وچ کیتا سی،بلاول بھٹو

کراچی( پنجابی میڈیا گروپ)پاکستان پیپلز پارٹی دے چیئرمین و سابق وزیر خارجہ بلاول بھٹو زرداری نے آکھیا اے کہ عام الیکشن وچ کنگز پارٹی دا براحال ہوئے گا، کنگز پارٹی دا وہی حال ہوئے گا جیہڑا2008 وچ اسیں کیتا سی۔سفاری پارک وچ میڈیا نال گل بات کردیاں ہویاں بلاول بھٹو نے آکھیا کہ کنگز پارٹی دی گل ہر الیکشن وچ ہندی اے، کنگز پارٹی ہر الیکشن وچ کسی نہ کسی صورت وچ سامنے آندی اے، ن لیگ تے ایم کیو ایم دے اک مٹھ ہون نال ساہنوں نقصان نہیں فائدہ ہوئے گا۔چیئرمین پیپلز پارٹی نے اکھیا کہ ن لیگ تے پی ٹی آئی دے دور وچ اسیں اپوزیشن وچ ساں، پیپلز پارٹی بلدیات ونگوں عام الیکشن وچ وی جتے گی، مولانا فضل الرحمان دے نال وی الیکشن لڑ سکدے ہاں تے اونہاں دے خلاف وی۔بلاول بھٹو زرداری نے آکھیا کہ بلدیاتی الیکشن وچ عوام نے پیپلز پارٹی اُتے اعتماد کیتا، جس نال کراچی دی عوام نے بلدیاتی الیکشن وچ پیپلز پارٹی نوں جتوایا اوسی طرح8فروری نوں وی جتواواں گے۔اونہاں نے آکھیا کہ شہبازشریف نوں وزیراعظم بنان وچ اسیں بوہت محنت کیتی، پیغام آیا سی کہ اسیں نیوٹرل ہاں اسی نیوٹرل صورتحال وچ اسیں کامیاب ہوئے، عدم اعتماد توں2دن پہلاں جنرل باجوہ نے ساہنوں بلا کے تحریک واپس لینے دی درخواست کیتی سی۔