شیخ رشید احمد نوں9 مئی دے13مقدمیاں وچ ملزم نامزدکردتا گیا

راولپنڈی (پنجابی میڈیا گروپ)سابق وزیر داخلہ شیخ رشید احمد نوں9مئی دے13 مقدمیاں وچ ملزم نامزد کر دتا گیا ، سپیشل جج انسداد دہشت گردی راولپنڈی نے شیخ رشید تے راشد شفیق دی ہور 4 مقدمیاں وچ عبوری ضمانتاں ذاتی مچلکیاں اُتے منظور کرلیاں۔جمعہ نوں شیخ رشید تے راشد شفیق سردار عبدالرازق خان ایڈووکیٹ دے ہمراہ فیر عدالت وچ پیش ہوئے۔تھانہ آرآے بازار جی ایچ کیو حملہ کیس ،ٹیکسلا ، واہ کینٹ تے صدر کینٹ وچ ضمانت قبل از گرفتاری دی استدعا کیتی ۔ وکیل سر دار عبد الرزاق نے آکھیاکہ شیخ رشید خلاف سیاسی انتقام ختم ہون دا نام نہیں لے رہیا، شیخ رشید تے راشد شفیق دے نام اَن گنت مقدمیاں وچ پا دتے گئے نیں۔