اسرائیل مغرب دی غیر مشروط حمایت نال فلسطین اُتے ظلم وبربریت کر رہیا اے،احسن اقبال

اسلام آباد(پنجابی میڈیا گروپ) پاکستان مسلم لیگ(ن) دے سیکرٹری جنرل تے سابق وفاقی وزیر منصوبہ بندی وترقی احسن اقبال نے آکھیا اے کہ دنیا نوں اج سب توں وَدھ کے تعاون دی راہ اپنان دی لوڑ اے۔پاکستان مسلم لیگ (ن) دے سیکرٹری جنرل تے سابق وفاقی وزیر منصوبہ بندی وترقی احسن اقبال نے ’’بی آر آئی‘‘ دے ثمرات دے موضوع اُتے چین وچ تقریب نال خطاب کردیاں ہویاں آکھیا کہ’’بیلٹ اینڈ روڈ‘‘منصوبہ پاکستان لئی لائف لائن بن چکیا اے، صدر شی جن پنگ دا تصور دنیا دی بین الاقوامی تعلقات وچ وڈھی تبدیلی لیایا اے۔ اونہاں نے آکھیاکہ سرحداں دی قید نال ماورا وژن لوکاں نوں انفراسٹرکچر دے جال ذریعے جوڑ رہیا اے، یوکرین دی جنگ ختم نہیں ہوئی تے فلسطین وچ جنگ چھِڑ گئی اے۔احسن اقبال نے آکھیاکہ اسرائیل مغرب دی غیر مشروط حمایت نال فلسطین اُتے ظلم وبربریت کر رہیا اے۔