القدس اسپتال دے آسے پاسے اسرائیل دی شدید بمباری،6فلسطینی شہید

مقبوضہ بیت المقدس (پنجابی میڈیا گروپ)غزہ وچ تل الحوا دے علاقے وچ القدس اسپتال دے آسے پاسے اسرائیل نے شدید بمباری کیتی اے جس دے نتیجے وچ6فلسطینی شہید ہوئے۔غیرملکی خبرایجنسی مطابق فلسطینی ہلالِ احمرنے آکھیا کہ اسپتال وچ عملہ، مریض تے14ہزار توں وَدھ بے گھر افراد موجود نیں۔اسرائیلی قابض فوج نے ہزمہ قصبے تے جنین دے جنوبی قصبے جابہ اُتے وی حملہ کیتا اے۔العودہ اسپتال دے ڈائریکٹر داکہنا سی کہ ساہنوں طبی خدمتاں دی فراہمی جاری رکھن وچ بڑیاں مشکلاں دا سامنا اے، ایس بمباری نال عملے دے لوگ زخمی تے اسپتال دیاں سہولتاں نوں کافی نقصان پہنچیا اے۔ شفا کمپلیکس زچگی اسپتال اُتے وی اسرائیلی فوج ولوں بمباری کیتی گئی جس دے نتیجے وچ1فلسطینی شہید تے1بچہ زخمی ہویا اے۔