سندھ دی ثقافت امن، محبت، مہمان نوازی دی تریخ اے،آصف زرداری

کراچی( پنجابی میڈیا گروپ)سابق صدرآصف علی زرداری تے پاکستان پیپلزپارٹی شعبہ خواتین دی مرکزی صدر فریال تالپور نے ساریاں سندھیاں نوں ثقافت دا دن منان اُتے مبارکباد پیش کیتی اے۔سابق صدر آصف علی زرداری دا سندھی ثقافت والے دن اُتے اپنے پیغام وچ کہنا سی کہ سندھ دی ثقافت امن، محبت، بہادری، مہمان نوازی دی تریخ اے، قوماں اپنی ثقافت توں پہچانیاں جاندیاں نیں۔اونہاں نے آکھیا کہ قائد عوام ذوالفقار علی بھٹو شہید نے پاکستان وچ وَسن والیاں ساریاں قوماں دی ثقافت نوں زندہ رکھن لئی وزارت قائم کیتی، اسلام آباد وچ قائم لوک ورثہ ملک وچ وَسن والیاں قوماں دی ثقافتی تریخ بیان کردا اے اونہاں نے آکھیا کہ پاکستان بے مثال ثقافتی میراث توں مالا مال سر زمین اے، پاکستان دے ایس عظیم میراث نوں قائم ودائم رکھن تے اوس نوں اُجاگر کرن لئی ساہنوں ساریاں نوںاپنا کردار ادا کرنا ہوئے گا، میڈیا نوں پاکستانی ثقافتاں نوں اُجاگر کرن وچ اپنا قائدانہ کردار ادا کرنا چا ہیدا اے۔