آر او دے دفتر وچ میرے اُتے پلس نے تشدد کیتا،ریحانہ ڈارداالزام

اسلام آباد(بیوروروپورٹ)سیالکوٹ وچ قومی اسمبلی دے حلقے این اے 71 توں مسلم لیگ (ن) دے خواجہ آصف دے مدمقابل الیکشن وچ حصہ لین والی آزاد امیدوار ریحانہ ڈار نے الزام عائد کیتااے کہ ریٹرننگ افسر (آراو) دے دفتر وچ میرے اُتے پلس نے تشدد کیتا۔الیکشن کمیشن وچ گل بات کردیاں ہویاں ریحانہ ڈار نے دسیا کہ وڈھی لیڈ نوں ہار وچ بدلیا گیا تے کیوں نہ برا لگے، اک سچ اگے جھوٹ دی دیوار کھڑی کردتی گئی۔ریحانہ ڈار نے آکھیا کہ میری جت نوں ہار وچ بدل دتا گیا، زندگی وچ کئی الیکشن ویکھے مگر ایس الیکشن اُتے افسوس اے۔ریحانہ ڈار نے دعویٰ کیتا کہ27 ورھیاں توں خواجہ آصف نے قبضہ کیتا ہویا سی، اسیں شکست دتی،خواجہ آصف نے پلس دے نال مل کے ٹھپے لائے۔وکیل ریحانہ ڈار نے آکھیا کہ اُمید اے کہ انصاف ملے گا، این اے71 دا حلقہ اسیں جت چکے ہاں۔