چیف جسٹس قاضی فائز عیسیٰ نال پاکستان ٹیکس بار ایسوسی ایشن دے وفددی ملاقات

اسلام آباد/لہور(بیوروروپورٹ)پاکستان ٹیکس بار ایسوسی ایشن دے وفد نے چیف جسٹس آف پاکستان جسٹس قاضی فائز عیسیٰ نال ملاقات کر کے ٹیکساں بارے زیرالتواء مقدمیاں اُتے گل بات کیتی ۔پاکستان ٹیکس بار دے صدرانورکاشف ممتازدی قیادت وچ جنرل سیکرٹری ریحان صدیقی،سینئر نائب صدور محمد زبیر ،فاروق مجید،محمد اعظم،پیٹرن ٹیکس بار اکیڈمی عبدالقادرمیمن،جوائنٹ سیکرٹری سید عرفان حیدر،سیکرٹری اطلاعات عمران خان ملاقات کرن والیاں وچ شامل سن۔ایس موقع اُتے پاکستان ٹیکس بار دے صدرانورکاشف ممتاز تے جنرل سیکرٹری ریحان صدیقی نے چیف جسٹس پاکستان جسٹس قاضی فائز عیسیٰ نوں دسیا کی سیکشن فوربی تے فورسی سپر ٹیکس تے سیون ای دی لیوی دی سول پٹیشن نوںسپریم کورٹ وچ چیلنج کیتا گیا سی ،سپریم کورٹ ،ہائیکورٹ تے ٹربیونل وچ ہزاراں کیس التواء دا شکارنیں جنہاں نوں سپیشل ٹیکساں دے بنچ بنا کے فوری حل کیتا جا سکدا اے کیونکہ سپریم کورٹ ٹیکس دہندگان نوںریلیف فراہم کرن لئی آئینی قنون اُتے عمل کرواسکدی اے ۔