حریم شاہ دا برطانوی سیاسی پارٹی وچ شمولیت دا اعلان

لندن(شوبز ڈیسک) پاکستان دی معروف ٹک ٹاک اسٹار حریم شاہ نے برطانوی سیاسی پارٹی وچ شمولیت اختیار کرن دا اعلان کیتا اے۔حریم شاہ نے اپنے حالیہ انٹرویو وچ آکھیا کہ میں برطانیہ دی 3 وڈی سیاسی پارٹیاں وچوںاک پارٹی دا حصہ بن گئی آں، بہت جلد ایس سیاسی پارٹی دا نام دساں گی پر فی الحال! صرف اینا دس سکنی آں کہ میں مذکورہ سیاسی پارٹی دی درخواست تے ای ایہدے وچ شمولیت اختیار کیتی اے۔ٹک ٹاکر نے آکھیا کہ پارٹی دے سینیئر رہنما نے مینوں یقین دوایا اے کہ اوہ مینوں برطانیہ وچ ہون والے آئندہ الیکشن لڑن لئی ٹکٹ دین گے جدکہ پاکستانی عوام چند ماہ وچ مینوں برطانوی پارلیمنٹ دا حصہ بندے ہوئے ویکھن گے۔