مریم نوازشریف، 131ورھیاں وچ مریم آباد چرچ آن والی پہلی وزیراعلیٰ

لہور( بیورورپورٹ)وزیر اعلی مریم نواز شریف131 ورھیاں وچ مریم آباد چرچ آن والی پہلی وزیر اعلی پنجاب بن گئیاں۔وزیراعلی مریم نوازشریف ایسٹر اُتے مسیحی برادری دیاں خوشیاں وچ رَلتی ہوئیاں تے پنجاب دی تریخ وچ پہلی وار ایسٹر گرانٹ دااجرا کیتا۔وزیر اعلی مریم نواز شریف شیخو پورہ وچ مسیحی برادری دی بستی دے گھراں وچ خود جا کے مسیحی گھرانیاں نوں ایسٹر گرانٹ دے چیک پیش کیتے۔وزیراعلی مریم نوازشریف نے مسیحی برادری نوں مبارکباد دتی۔مسیحی خاندان نے وزیر اعلی مریم نواز شریف دا پُرجوش استقبال کیتا۔وزیر اعلی مریم نواز شریف نے مسیحی عورتاں نوں گلے لاکے مبارکباد دتی۔وزیر اعلی مریم نواز عورتاں نال گھل مل گئیاں تے سوال کیتا کہ تسی ایسٹر اُتے کیہ پکایا، کپڑے کیسے بنائے ۔وزیر اعلی مریم نواز شریف نے بزرگ عورتاں دی عینک اُتے اٹکی پھول دی پتی اپنے ہتھ نال لائی،مسیحی عورتاں نے وزیر اعلی مریم نوازنوں بوہت ساریاں دعاواں دتیاں تے آمد اُتے شکریہ ادا کیتا۔وزیر اعلی مریم نواز شریف نے مسیحی گھرانے نال گل بات کر دیاں ہویاں آکھیا کہ ایسٹر اُتے مسیحی برادری دیاں خوشیاں وچ رَلتی ہاں۔ وزیر اعلی مریم نواز شریف نے مسیحی رہنماواں دے نال مل کے ایسٹر دا کیک وی کٹیا۔