پاکستان امریکہ دے نال تعلقات نوں کلیدی اہمیت دیندا اے،وزیراعظم شہباز شریف

اسلام آباد (بیورورپورٹ)وزیرِ اعظم محمد شہباز شریف نے امریکی صدر جوبائیڈن دے خط دا جواب دیندیاں ہویاں آکھیا اے کہ پاکستان امریکہ دے نال تعلقات نوںکلیدی اہمیت دیندا اے،پاکستان امریکہ دے ساتھ عالمی امن و سلامتی تے خطے دی ترقی وخوشحالی دے سانجھے ہدف لئی کم کرن دا خواہش مند اے۔ وزیر اعظم آفس توں جاری اعلامیہ دے مطابق وزیر اعظم نے آکھیاکہ دوناں ملک توانائی، موسمیاتی تبدیلی، زراعت، صحت تے تعلیم دے شعبیاں وچ اہم اقداماں اُتے مل کے کم کررہے نیں۔ وزیر اعظم نے آکھیاکہ دوناں ملکاں دے وچکار توانائی دے شعبے تے گرین الائنس اقدام وچ تعاون خوش آئند اے ،وزیر اعظم نے آکھیاکہ پاکستان امریکہ دے نال عالمی امن و سلامتی تے خطے دی ترقی و خوشحالی دے سانجھے ہدف لئی کم کرن دا خواہش مند اے۔