آن والے دناں وچ عوام نوں ہور خوشخبریاں ملن گیاں،عطا اللہ تارڑ

لہور(پنجابی میڈیا)وفاقی وزیراطلاعات ونشریات عطااللہ تارڑ نے آکھیا اے کہ پی ٹی آئی نے اپنے دور وچ صرف سیاسی انتقام اُتے توجہ مرکوز کیتی، معیشت دا جنازہ کڈیا، پی ٹی آئی نے مسلم لیگ (ن) دے اقداماں دی کاپی ہی کر لئی ہُندی تے اج ملک ترقی دی راہ اُتے گامزن ہو چکیا ہُندا، اونہاں نے صرف سیاسی مخالفاںنوں انتقام دا نشانہ بنایا، سی پیک دینال جو کجھ کیتا اوس نوں پوری قوم نے ویکھیا، وزیراعظم شہباز شریف نے پہلی وار وزارتاں دی کارکردگی جانچن لئی وزارتاں نوں تحریری طور اُتے اہداف دتے نیں، حکومت دیاں مثبت پالیسیاں دی بدولت روپے دی قدر مضبوط ہوئی اے، آن والے دناں وچ عوام نوں ہور خوشخبریاں ملن گیاں، ٹیکس نیٹ دا دائرہ کار وسیع کیتا جائے گا۔