ایس سال دا پہلا مکمل سورج گرہن اج، پاکستان وچ نظر نہیں آئے گا

لہور(پنجابی میڈیا)سال2024 داپہلا مکمل سورج گرہن اج بروزسوموار8اپریل نوں ہوئے گا جیہڑا اگلے20ورھیاں تک دوبارہ وکھائی نہیں دیوے گا جدکہ سال دادُوجا سورج گرہن2اکتوبر نوں جنوبی امریکادے کجھ حصیاں وچ متوقع اے جیہڑا کہ جزوی ہوئے گا۔ایس سال دا پہلا سورج گرہن میکسیکو، امریکا تے کینیڈا وچ نظر آئے گا، سورج گرہن سب توں پہلاں میکسیکو وچ دن 11 وجے دے بعد ہوئے گا، اوس ویلے چن سورج دے سامنے آجائے گا تے زمین دے کجھ حصے وچ اندھیرا چھا جائے گا، مغربی یورپ، جنوبی امریکا، اٹلانٹک سنے ہور مقاماں اُتے سورج گرہن وکھائی دیوے گا،دورانیہ 4 گھنٹے تے 27 منٹ ہون دا امکان ظاہر کیتا گیا اے۔سورج گرہن امریکا تے کینیڈا وچ وی نظر آئے گا ،لیکن ایہ کِدھرے مکمل تے کِدھرے جزوی ہوئیگا۔