عمران، بشری بی بی ملاقات نہ کران اُتے توہینِ عدالت دی درخواست دائر کرن دی ہدایت

اسلام آباد: ہائی کورٹ نے عمران خان تے بشری بی بی دی ملاقات نہ کران اُتے توہینِ عدالت دی درخواست دائر کرن دی ہدایت کردتی۔سابق وزیراعظم تے بانی چیئرمین پی ٹی آئی عمران خان دی اونہاں دی گھر والی بشری بی بی نال ملاقات کروان دے عدالتی حکم اُتے عمل درآمد کیس دی سماعت ہوئی، جس وچ جسٹس میاں گل حسن اورنگزیب نے استفسار کیتا کہ عدالت دے حکم اُتے عمل کیوں نہیں ہویا؟ عدالت نے ایڈووکیٹ جنرل آفس نوں متعلقہ حکام نال رابطہ کرکے اج ہی آگاہ کرن دی ہدایت کیتی تے ایڈووکیٹ جنرل اسلام آباد نوں عدالت سدھ لیا۔سماعت دے شروع اُتے جسٹس میاں گل حسن اورنگزیب نے استفسار کیتا کہ اسیں ہدایت دے نال درخواست نمٹادتی سی، جس اُتے درخواست گزار دے وکیل عثمان گل نے جواب دتا کہ اسیں ایسی عدالت دے حکم اُتے عمل درآمد دی درخواست دتی اے۔واضح رہے کہ عدالت نے پچھلی سماعت اُتے بشری بی بی دی بانی چیئرمین پی ٹی آئی عمران خان دے نال ملاقات دی ہدایت کر دیاں ہویاں عید اُتے وی ملاقات کروان دی ہدایت کیتی سی۔ درخواست گزار نے عدالتی حکم دے باوجود بانی چیئرمین پی ٹی آئی نال ملاقات نہ کروان اُتے عمل درآمد دی درخواست دائر کیتی گئی سی۔